Partizani ka forcuar sulmin në merkaton e këtij muaji me nënshkrimin e Sekou Sidibe, i cili ka firmosur një kontratë deri në vitin 2027. Klubi i të kuqve e konfirmoi lajmin përmes rrjeteve sociale, ku u bë edhe prezantimi i lojtarit, i shoqëruar nga Drejtori Sportiv Agim Ibraimi.
Sidibe është një futbollist i ri i formuar në ekipet e moshave të PSV Eindhoven dhe ka përvojë me kombëtaren belge në nivelet U15 dhe U19. Para se të bashkohej me Partizanin, ai ka luajtur për Universitatea Craiova në Rumani dhe La Louviere në Belgjikë.
Ardhja e Sidibe është një realizim i kërkesës së trajnerit Kërnaja për të forcuar repartin e avancuar të skuadrës. Kjo gjithashtu shënon blerjen e dytë të Të Kuqve gjatë kësaj merkatoje nën drejtimin e Ibraimit, pas Kamer Qakës në mesfushë.
