Juventus debutoi në sezonin e ri të Serie A mbrëmjen e sotme në orën 20:45. Bardhezinjtë sfiduan në transfertë Udinesen duke e mposhtur lehtësisht me rezultatin 0-3.
Të 3 golat e sfidës erdhën në pjesën e parë teksa të parin e sezonit do ta shënonte Federico Chiesa në minutën e 2-të. Në të 20-tën, Dusan Vlahovic do të dyfishonte avantazhin me anë të një 11-metërshi ku e ktheu në gol. Teksa skuadrat bëheshin gati për të mbyllur pjesën e parë, Adrien Rabiot do të shënonte edhe golin e 3-të dhe të Knock Out-it.
Pjesa e dytë ishte thjeshtë një menaxhim rezultati dhe loje nga Zonja që merr kështu 3 pikët e para në kampionat. Sfida e rradhës do të jetë ndaj Bolognas, më 27 gusht në orën 18:30 në shtëpi.
