Një zjarr i madh shpërtheu në një pallat 12-katësh në Tiranë, duke përfshirë katet e para dhe duke u ngjitur me shpejtësi përmes fasadës së jashtme. Forcat zjarrfikëse luftuan për mbi 3 orë për të shuar flakët, duke alarmuar qindra banorë.
Sipas të dhënave paraprake, zjarri dyshohet se ka nisur në katet e ulëta të pallatit. Inxhinieri Romeo Nazarko reagoi në lidhje me situatën, duke theksuar se kjo ngjarje ishte e paralajmëruar. Ai publikoi një kërkesë për informacion të drejtuar Kuvendit, lidhur me djegien e fasadës së një pallati tjetër në Tiranë, dhe shprehu shqetësimin se autoritetet vazhdojnë të mos dëgjojnë paralajmërimet e inxhinierëve. Nazarko theksoi se papërgjegjshmëria në trajtimin e këtyre çështjeve është e dukshme, sidomos kur inxhinierët marrin pozita drejtuese.
