HIMARË- Vatra e zjarrit në Pilur të Himarës vijon të mbetet ende aktive. Si pasojë e zjarrit disa ditor rreth 650 hektarë kullota dhe sipërfaqe me bimësi janë shkrumbuar nga flakët.
Përgjegjësi i emergjencave civile pranë Prefekturës së Vlorës, Robert Skendaj, ka thënë se ndërhyrja ka vijuar prej ditësh si nga toka, ashtu edhe nga ajri.
Në operacion janë angazhuar forcat zjarrfikëse nga katër bashki: Vlorë, Sarandë, Himarë dhe Finiq, ndërsa ndihmë të konsiderueshme kanë dhënë edhe forcat e armatosura me rreth 40 efektivë, të cilët kanë vepruar si nga terreni ashtu edhe me helikopterë.
