Prej mesnatës së kaluar një vatër e madhe zjarri vijon të jetë aktive pranë Palasës, duke përfshirë një kodër. Flakët janë favorizuar nga era dhe temperaturat e larta, çka ka vështirësuar neutralizimin e tyre vetëm nga toka. Në terren janë angazhuar forcat zjarrfikëse, efektivët e policisë dhe punonjësit e zonave të mbrojtura, të cilët gjatë gjithë natës kanë punuar për izolimin e vatrës dhe për pengimin e përhapjes së saj drejt zonave të tjera. Për shkak të terrenit të vështirë dhe përmasave të zjarrit, gjatë ditës së sotme ka mbërritur një helikopter që po punon për shuarjen e flakëve. Autoritetet vijojnë të monitorojnë situatën, ndërsa operacioni për vendosjen e zjarrit nën kontroll mbetet ende në zhvillim. Top Channel
Zjarret në jugun e Shqipërisë: Era dhe temperaturat favorizojnë përhapjen e flakëve, ndërhyn helikopteri
