DELVINË- Një vatër zjarri ka përfshirë ditën e sotme malin e Skërficës, në territorin e Bashkisë Delvinë. Flakët janë aktivizuar nga era e fortë dhe si pasojë ato po përhapen me shpejtësi duke shkrumbuar sipërfaqe të mëdha. Për shkak të largësisë dhe terrenit të thepisur malor, MZSH Gjirokastër nuk ka mundur të ndërhyjë sot me mjete tokësore.
Po ashtu bëhet me dije se ditën e nesërme një grup prej 10 efektivësh zjarrfikës do të dërgohet në zonë për të vijuar përpjekjet për izolimin e flakëve. Sakaq, kërkohet edhe mbështetje nga forcat ushtarake për ndërhyrje tokësore dhe ajrore.
