Policia e Tiranës arrestoi ditën e djeshme 30-vjeçaren Milena Deraj, pasi iu ka marrë shuma të mëdha parash, 3 shtetasve (familjarë), duke i mashtruar se do t’i ndihmonte në një proces gjyqësor.
Ajo arriti të mashtronte Hasan Verracaku, Abedin Verracaku, Shyqyri Verracaku, me pretendimin se do t’u zgjidhte çështjen e masakrës së Velipojës, duke u marrë të treve shumën prej 340 mijë eurove duke iu premtuar se do t’i ndihmonte në gjyq dhe do të ndërhynte për të ulur pozitatat e tyre.
Si ish-punonjëse e Bankës së Shqipërisë ajo ka mashtruar dhe një shoqe të sajën, së cilës i ka marrë shumën prej 230 mijë euro në këmbim të bonove të thesarit. Kur shoqja e saj e ka kuptuar se ishte mashtruar dhe nuk po merrte bonot në këmbim të parave është paraqitur në polici për të denoncuar rastin.
