Komisioneri Shtetëror i Zgjedhjeve, Ilirjan Celibashi në emisionin “Të Paekspozuarit” në MCN TV tregoi se përse dështoi sërish aplikimi i votimit elektronik në zgjedhje, ku më 11 maj, ai do të jetë vetëm në njësinë 10 në Tiranë dhe në bashkinë e Vorës. Celibashi tha se opozita nuk ishte dakord dhe nuk shkuan kundër vullnetit të saj.
Rakipi: Pse nuk u aplikua votimi elektronik, veçanërisht në Tiranë?
Celibashi: Si me kuti dhe me elektronikë nuk ka diskutime se çfarë përmban kutia. Ne do ta zhvillojmë në dy njësi, në njësinë 10 në Tiranë dhe bashkinë e Vorës, votim elektornik pilot.
Mërtiri: Pse pilot? Sa do të vazhdojmë të pilotojmë pa finalizuar procesin?
Celibashi: Kërkuam ta zgjeronim në 6 qarqe. U kërkuam partive na jepni opinion lidhur me këtë idenë tonë. Vetëm 5 muaj para zgjedhjeve, pasi kishim bërë edhe një kujtesë të tretë, filluan të kthejnë përgjigje, dikush po, dikush jo. Në finale, PD nuk dha konsideratë pozitive. Për shkak të problematikave që ata pretendojnë, nuk jemi dakord të zgjerohet.
Mërtiri: Pra u bë prej PD? Nëse votimi elektronik është më i sakti dhe i pamanipulueshmi, atëherë pse duhet të merremi me tekat e partive? Mua më bën të dyshoj kjo. Duke qenë se gjërat varen nga numëruesit, pse një parti në opozitë, do të zgjedhë një metodë më pak të sigurtë? Ka shteg për abuzim, kam dyshimin që partitë e reja, të dy palët e mëdha mund të bien dakord që votat e këtyre i ndajnë.
Celibashi: Kjo nuk ndodh, nuk ndodhi në 2021 dhe në 2023.
Mërtiri: Zgjedhjet e kësaj rradhe, që ka diferencë, e vetmja gjë mund t’i shkelin syrin njëri-tjetrit për të mos lejuar një palë të tretë. Ata që janë parti të vogla pa numërues… Dyshoj se fakti që numërimi elektronik është i sigurtë dhe i shpejtë, zgjedhim metoda primitive dhe nuk kemi këtë nivel sigurie.
Celibashi: Ne përgatisim proces në kushtet e një antagonizmi të fortë. Pra edhe ti si institucion e përgatit në këtë antagonizëm të madh politik. Në njëlloj mënyre, sipas interesave të momentit, shihesh me skepticizëm. Do të duhet t’u tregosh të gjitha palëve, që në atë procesin vendimarrës, je i barazlarguar nga të gjithë. Kur partia kryesore e opozitës thotë nuk e besoj sistemin, qëndron apo jo, pak rëndësi ka, janë në të drejtën e tyre ta kundërshtojnë. Nuk mundesh të imponohesh dhe të thuash është elektroniku më i sigurtë, se ju doni të ndani me PS.
Mërtiri: Nuk është vetëm kjo opozitë, ka edhe të tjera që janë pro numërimit elektronik. Këtu zgjidhet të favorizohet frika absurde e shprehur nga partia më e madhe e opozitës, që ka numërues në tavolinë, ndërkohë të tjerët nuk kanë. E dyta, mund të gjendet rrugë e mesme. Dakord, bëjmë Tiranën kështu. Kjo do të trgonte edhe besueshmërinë e procesit. Duhet të vijë në progres kjo. Zgjedhjet e kaluara ishte Elbasani, Kamza, Vora. Elbasani është qytet i madh. Tani Vora dhe njësia 10 vetëm, është regres.
Celibashi: Kur partia kryesore e opozitës thoë nuk e dua, jemi në pozitën për të thënë do ta bëjmë. Nuk e bën dot. Boll ka konsiderata opozita, për sjelljen e qeverisë, procesin, t’i shtosh edhe këtë.
Mërtiri: Mendoj se mund të gjendej gjuhë të mesme.
Celibashi: U përpoqëm që ta negocionim.
