Dy persona nënë e bir, Rozeta dhe Havier Dobi janë arrestuar nga policia për vjedhjen e disa banesave, mes tyre të Alda Klosit, ish-shefes së kabinetit të Arben Ahmetajt.
Emri i zyrtares së lartë që ka qenë pjesë e Kryeministrisë në këtë detyrë të lartë rezulton se është njeri i besuar i ish-zv/ kryeministrit Ahmetaj, kur ka qenë në krye të Financave.
Klosi sipas faksimileve që disponon “5pyetjet.al”rezulton se ka qenë një nga njerëzit që ka firmosur për dosjen e nxehtë të aferës së inceneratorëve.
Letra që mban datën 6 prill 2017 që i është drejtuar ministrit të Mjedisit Lefter Koka, asokohe në fund ka emrin e Alda Klosit si konceptuese.
Sot Lefter Koka është në burg për këtë aferë. Akuzat kanë qenë të shumta edhe për Arben Ahmetajn. Por Alda Klosi nuk ka qenë në shënjestrën e SPAK-ut, të paktën deri tani.
