Ish-ministri i Drejtësisë, Ylli Manjani ka propozuar një plan me tre pika se çfarë duhet të bëjë grupi i PD-së së Sali Berishës.
I ftuar në emisionin “Zona Zero” në Top News, Manjani deklaroi se Berisha nuk duhet të merret më me logon e PD-së, pasi sipas tij, ajo është një lojë e qeverisë për ta zvarritur dhe për të vrarë shpresën tek shqiptarët.
Sipas Manjanit, grupi i Berishës duhet urgjent të krijojë një parti të re dhe PD-në zyrtarë ta vendosin në muze. Sipas tij, së dyti parti e re duhet të ketë një imazh të ri dhe fytyrë të re dhe duhet të ketë grupin e ri parlamentar dhe një emër ti ri që tani si kandidat për kryeministër pasi nuk ka kohë.
Së pari duhet të marri fund historia e vulës dhe e logos që janë pjesë e lojës së pushtetit. PD e logos zyrtarë është e blerë tashmë në tregun e zi. Janë pengmarrje që e zvarrisin gjënë dhe vrasin shpresat.
Së dyti, ata që bashkohen tek lideri Berisha duhet të organizohen në një parti të re, për të gjithë demokratët që duan një alternativë. Duhet të themelojnë urgjentisht një parti dhe Partinë Demokratike të Lulit ta vendosin në muze. Berisha është themelues i asaj partie, por s’mund të jetë më anëtar edhe nëse nesër ia jep gjykata, se ajo është e blerë nga qeveria.
Një orë e më parë ky grupim i ri duhet të ketë një imazh të ri, duhet të ketë një qasje të re, ata që promovojnë ide për Shqipërinë, pasi nuk është çështja vetëm tek një logoja e re. Duhet të bien dakord që ekonomia e lirë dhe e tregut të jetë në fokus të parimeve, çështja e pronave. Dhe për një shtet të drejtë. Opozita në radhë të parë duhet të njohë popullin e vet.
Nuk jam përkrahës i pikëpamjeve që të ikin disa dhe të vinë dikush tjetër. Por jam për një qasje të re, ide të re, mënyrë e re komunikimi dhe rrugë e re drejt Europës.
E treta, ka të bëjë me imazhin e figurave të vjetra dhe të reja. Propozimi im është ky, opozita shqiptare një orë e më parë, do duhet të ketë grupin e ri parlamentar dhe emrin e kryeministrit të ri që do duhet të kenë se nuk ka më kohë.” – u shpreh Ylli Manjani.
