“Erdoganizimi dhe orbanizimi i Greqisë u përmbush”, tha ish-ministri i Financave Yanis Varoufakis, në reagimin e tij të parë ndaj rezultateve të zgjedhjeve parlamentare, të cilat e renditën në vendin e tetë partinë e tij, MeRA25, duke humbur përfaqësimin në Parlament.
Varoufakis bëri përgjegjës për humbjen e së majtës lidershipin e SYRIZA-s, partia e udhëhequr nga Tsipras, e cila dy vjet më parë e hodhi poshtë ofertën e tij për të bashkëpunuar në fushatë. Sipas tij, ky refuzim solli si pasojë “një cunami të pabesueshëm konservatorizmi”.
Duke iu referuar kryeministrit dhe liderit të Demokracisë së Re, Kyriakos Mitsotakis, Varoufakis tha se “Mitsotakis Ltd i shërbeu një disfate dërrmuese”.
I pyetur nëse do të bashkëpunonte me parti të tjera në zgjedhjet e ardhshme të përgjithshme, Varoufakis tha: “Në asnjë rrethanë. Ju e dini shumë mirë se gjatë zgjedhjeve nuk ka opsione për një marrëveshje programore – marrëveshjet afatshkurtra i kemi refuzuar që në fillim”.
