Deputetët e Partisë Demokratike të përjashtuar nga Komisioni i Etikës në Parlament kanë apeluar në gjykatën administrative për shfuqizimin e vendimit që i përjashtoi për dy muaj nga punimet e Kuvendit. Paditësit janë Albana Vokshi, Flamur Noka, Elda Hoti, Fidel Kreka dhe Klevis Balliu, të cilët u ndëshkuan për sjellje të papërshtatshme gjatë seancave, përfshirë flakadanët, përplasjet me oficerët e Gardës dhe hedhjen e sendeve në drejtim të kryetarit të Kuvendit. Kjo është hera e parë që pas ndëshkimit administrativ nga Kuvendi, deputetët i drejtohen gjykatës.
Deputetët e PD kërkojnë shfuqizimin e vendimit të Etikës në Gjykatën Administrative të Tiranës
