Një ngjarje e fundit në rrjetet sociale ka kapur vëmendjen e fanseve, pasi raportohet se romanca e supozuar mes Lamine Yamal dhe reperes argjentinase Nicki Nicole është ndarë vetëm 13 ditë pas fillimit të saj. Mediat latinoamerikane kanë zbuluar se Nicki Nicole, 25 vjeçe, tani është lidhur me Franco Mastantuono, një mesfushor 18-vjeçar që këtë verë u transferua te Real Madrid nga River Plate.
Kjo situatë ka krijuar tensione të menjëhershme, pasi Mastantuono është bashkëmoshatar i Yamal dhe gjithashtu rival në fushë, duke luajtur për një klub që përballë ka Barcelonën, ekipin ku Yamal është aktiv. Reagimet në rrjetet sociale kanë qenë të shumta, me komente ironike dhe humoristike nga tifozët, si ajo që thotë: “13 ditë, as dy javë” ose “Nicole ndryshon të dashur më shpesh sesa bëj unë dush”.
Megjithatë, për dikë si Mastantuono, situata është komplikuar sërish, pasi një pjesë e fansave e kanë mohuar këtë lidhje duke përmendur se ai është prej kohësh në një marrëdhënie me Fio Augustinelli. Ndërkohë, as Yamal, as Mastantuono dhe as Nicki Nicole nuk kanë bërë asnjë koment lidhur me këtë çështje. Në këtë kontekst, babai i Lamine Yamal, Mounir Nasraoui, e ka minimizuar situatën duke deklaruar: “Këto janë gjëra fëmijësh. Nuk e njoh fare, as nuk e di se ç’fytyrë ka.”
Nicki Nicole, emri i vërtetë i së cilës është Nicole Denise Cucco, është një nga artistet më të njohura latine, me mbi 22 milionë ndjekës në Instagram dhe afërsisht 18 milionë dëgjues mujorë në Spotify. Duket se edhe pse situata ka marrë vëmendje të madhe në media dhe rrjete sociale, artistët e përfshirë preferojnë të mbeten të heshtur për këtë histori të re të dashurisë, që ndoshta sa do të flitet sot, ndjeshëm do të harrohet nesër.
