Deputetja e Partisë së Lirisë Erisa Xhixho në seancën plenare në Kuvend tha se kërkon informacione për personat që arrestuan Ilir Metën. Xhixho u shpreh se sot ishte afati i fundit dhe ministri i brendshëm duhet ë të kthejë përgjigje, ndryshe do të ketë kallëzim penal.
“Ju jeni përgjegjës për atë trajtim çnjerëzor të një personi që nuk i është shmangur drejtësisë. Ju keni shkelur kushtetutën e vendit, kua ta policë me maska, duhet ti thoshin atij: vendimin e gjykatës dhe shkakun e arrestit, të drejtat e tij kushtetuese dhe të drejtën për avokat. Ju keni urdhëruar ata person me maska të bëjnë atë trajtim. Ju keni kërkuar një kërkesë për informacion, nëse nuk e ke ende.
Nëse nuk ktheni përgjigje përgatituni për kallëzim penal. Ky mesazh që u dha më 21 tetor ishte mesazhi që turpëroi Shqipërinë. Ta harroni ju, ta harrojë banda që drejton këtë qeveri që mund ti mbylle gojën opozitës dhe qytetarëve.”, tha deputetja Xhixho.
