Biznesmeni i njohur kosovar Lulzim Kryeziu raportohet se ka kryer vetëvrasje të enjten pasdite në fshatin Mleqan të Malishevës.
Sipas autoritetevr policore në Kosovë, vetëvrasja ka ndodhur në një objekt biznesi familjar.
Lajmi është konfirmuar edhe nga Aleanca Kosovare e Bizneseve.
“Sot rreth orës 15:20 kemi pranuar informatë se në fshatin Mleqan-Malishevë, viktima mashkull i moshës madhore është gjetur i varur në një objekt biznesi familjar”, tha Sheremet Elezaj, zëdhënës i policisë.
Më herët gjatë këtij viti, Kryeziu ishte dënuar me 4 muaj burgim dhe një gjobë prej 1 mijë euro për “dhunë në familje”.
Ai ishte denoncuar në atë kohë në polici nga bashkëshortja dhe djali i tij, të cilët ishin shprehur se ndiheshin të rrezikuar.
