Autoritetet italiane kanë gjetur armën e krimit që përdori shqiptari Avni Meçja për të vrarë bashkëshorten e tij rumune, Alexandra Elena Mocanu. Sipas asaj që shkruajnë mediat, autoritetet kanë gjetur një çekiç. Arma e krimit ishte hedhur në një zonë në autostradë nga Meçja.
Prokuroria e Bolzanos ka deklaruar se do të vijojnë hetimet. Përfaqësues të saj kanë informuar edhe në lidhje me rezultatet e para të autopsisë, e cila konfirmon se vdekja e gruas ka ardhur si pasojë e dy goditjeve me një mjet të mprehtë në kokë. Autoritetet dyshojnë se është pikërisht çekiçi që kanë gjetur që është përdorur nga Meçja.
Mes Avniut dhe Alexandra Elena sherret nuk ishin diçka e re. Në 2019-n dhe 2020-n, kur jetonin ende në Verona, gruaja e kishte denoncuar për keqtrajtim dhe ai ishte vendosur në arrest shtëpie dhe iu ishte ndaluar që t’i afrohej gruas. Megjithatë disa kohë me vonë, ata ishin afruar sërish. Alexandra Elena lë pas një djalë, i lindur nga një tjetër marrëdhënie, e që jeton në Romë me gjyshen e tij./tvklan.al
