ITALI– Babai i autorit të vrasjes së Vladimir Topjanës, Pren Shota do të lirohet nga burgu dhe do të lihen nën masën e arrestit shtëpiak me një byzylyk elektronik. Ky vendim është marrë ngaGjykata e Apelit. Vrasja e Vladimir Topjanës ndodhi më 6 prill në Fontanafredda. 43-vjeçari shqiptar u vra përpara Bar Sporting Milan Club pas një debati të ashpër me një bashkatdhetar, Roger Shota. Autori, Roger Shota u arrestua nga vendi i ngjatjes.
Ndërsa babai i tij, Pren Shota, u arrestua me akuzën e bashkëpunimit në vrasje. Ai është paraqitur tashmë para gjykatësit për të bërë disa deklarata. Pas kësaj, ai zgjodhi të fliste, si me prokurorin, ashtu edhe me zëvendësprokuroren, për të përcaktuar se çfarë ndodhi atë natë në Fontanafredda.
Sipas rindërtimeve të ngjarjes, sherri filloi në barin në Viale Repubblica në Sacile. Një diskutim që ka shumë të ngjarë të lidhet me një zonë të diskutueshme midis dy familjeve në Shqipëri. Sherri në një moment të caktuar degjeneron në Fontanafredda përpara Bar Sporting Milan Club. Vladimir Topjana sulmoi dhe kafshoi veshin Pren Shotës, i cili në atë moment ndodhej në tokë. Pikërisht në atë moment, Rogert nxori armën dhe e shtypi këmbëzën dy herë, duke e plagosur viktimën në kokë dhe në bark. 43-vjeçari vdiq pak pasi mbërritën shërbimet e urgjencës.
Dyshimi fillestar i hetuesve ishte se babai dinte për armën që zotëronte i biri. Megjithatë, sipas gjyqtarëve të Gjykatës së Rishikuar, Pren Shota tha se nuk e dinte që i biri do të qëllonte dhe vrasja nuk ishte paramenduar. Prandaj u mor vendimi për t’i dhënë atij masën e arrestit shtëpiak.
