Sot, në orën 10:30, do të mbahet një seancë për caktimin e masës së sigurisë për Nevzat Spaho, i dyshuar në lidhje me vrasjen e biznesmenit Mondi Mëhalla, ngjarje e ndodhur gjashtë ditë më parë.
Më datë 5 dhjetor 2025, pranë Gjykatës së Shkallës së Parë të Juridiksionit të Përgjithshëm në Elbasan, Prokuroria e Elbasanit ka regjistruar një kërkesë për masën e sigurimit ndaj shtetasit N.S., me qëllim “Vleftësim ndalimi, caktim mase sigurimi.” Seanca për këtë çështje është e planifikuar të zhvillohet në datën 6 dhjetor 2025, ora 10:30, dhe do të mbahet me dyer të mbyllura.
Gjithashtu, Gjykata e Elbasanit ka vendosur masën e sigurisë “Arrest me burg” për Xhino Ago, i cili akuzohet si bashkëpunëtor në vrasjen e Mëhallës.
