Dan Hutra i njohur si vrasësi i tre grave dhe plagosjes së tre të tjerave i arrestuar në 1 Mars të vitit të kaluar për vrasje është marrë në pyetje nga SPAK-u pasi pretendon se është në dijeni dhe ka informacion për disa ngjarje kriminale.
Marrja në pyetje nga agjentët e BKH-së ka zgjatur disa orë. Ende nuk ka diçka konkrete dhe nëse do të hapet ndonjë procedim për nisjen e hetimeve mbi bazën e deklarimeve të tij.
Autori i vrasjes së tre grave, Dan Hutra është paraqitur në SPAK.
Sipas Top Channel, Dan Hutra është paraqitur në SPAK pas dy letrave drejtuar Prokurorisë së Posaçme.
Pasi janë administruar, prokurorët e posaçëm vendosën që të kërkojnë shoqërimin e tij në SPAK. Ai është pyetur për disa orë pasi sipas tij ka dijeni për një sërë ngjarjesh kriminale.
Burime jo zyrtare thanë se ai do të ripyetet sërish nga prokurorët e posaçëm, pasi nga seanca e pyetjeve nuk ka dhënë asgjë me interes për hetimin.
