Një i ri i drejtohet Gjykatës së Apelit për të ankimuar pikërisht vendimin ndonëse është i shpallur në kërkim si i dënuar me burgim të përjetshëm për një krim të rëndë.
Ngjarja për të cilën ankimuesi i drejtohet Gjykatës daton fundin e vitit 2018 kur në Laprakë iu mor jeta Griselda Gjikolës, vajzës 17 vjeçe!
Gjykata e Apelit nuk ka pranuar ankimimin e Robert Përpajat, i dënuar me burgim të përjetshëm për vrasjen e 17-vjeçares Griselda Gjikolajt në 28 dhjetor të vitit 2018, pasi avokati M.I nuk legjitimohet të ushtrojë ankim në emër dhe për llogari të këtij të pandehuri.
Përpepaj, i cili është në kërkim dhe dënimi i është dhënë në mungesë, kërkonte ndryshim të veprës penale nga “Vrasje në rrethana cilësuese” në “Vrasje nga pakujdesia”, përmes së cilës është dënuar nga Shkalla e Parë. Gjykata e Tiranës ka dënuar me burgim të përjetshëm Robert Përpepaj, i cili vrau 17-vjeçaren Griselda Gjikolaj.
Ndërkohë, Ronald Muzhaqi është dënuar me 23 vite burgim. Robert Perpepaj është në kërkim dhe Muzhaqi i arrestuar.
Në dosjen e Prokurorisë hidhej dritë mbi motivet e vrasjes së 17-vjeçares, Griselda Gjikolaj, dhe plagosjen e Erjon Bengaj. Referuar dokumentit zyrtar, rezultonte se e mitura është qëlluar me dy plumba në kokë, nga i dyshuari Robert Perpepaj, i cili prej disa kohësh e përndiqte sistematikisht dhe ishte kthyer në shqetësim për të.
Vajza, thuhet në dosje se i ka rrëfyer të fejuarit të saj Samir H., shqetësimet që po i sillte Roberti, duke i kërkuar ta mbronte prej tij.
Disa ditë përpara ngjarjes, i fejuari i 17-vjeçares dhe shoku i tij Erjon Benga u konfliktuan në Laprakë me të shumëkërkuarin 19-vjeçarin Përpepaj. Benga i ka kërkuar atij që të mos e ngacmonte Griseldën, por Përpepaj i është përgjigj se “është çun e mund të ngacmojë çdo vajzë”.
Në debat e sipër, Erion Benga e ka qëlluar me shpullë të riun me origjinë nga Tropoja.
Prej atij momenti, Roberti nuk është bërë i gjallë, deri mbrëmjen e 26 dhjetorit kur edhe ndodhi krimi i rëndë, duke tentuar të vrasë Saimir H, por në fakt plumbat e drejtuar në makinën e tij kanë vrarë 17- vjeçaren Griselda Gjikolaj dhe kanë plagosur rëndë personin tjetër në makinë, Erion Begën.
