TIRANA- Vijon procesi i rinumërimit të votave për zgjedhjet e 11 majit për qarkun e Tiranës në Pallatin e Sportit “Farie Hoti”. Deri më tani janë hapur 355 kuti nga 1282 në total të qarkut. Komisioni Qendror i Zgjedhjeve bën me dije se deri më tani janë rinumëruar rreth 30% e kutive të votimit për qarkun e Tiranës.
Paraprakisht me 355 kutitë e hapura PS-ASHM kryeson me votat që nuk i takonin. Koalicioni në fjalë ka 177 vota të pamerituara, ndërsa Partia Socialiste 170, të cilat iu zbriten nga rezultati i numërimit të parë.
Nisma Shqipëria Bëhet rezulton se deri më tani ka 20 vota të pamerituara, dhe nga ana tjetër Lëvizja Bashkë 15 të tilla. Ndërkohë Partia Social Demokrate e Tom Doshit humbet 22 vota që i ishin shtuar.
