Një organizatë shqiptare e trafikut të drogës është goditur nga policia spanjolle. Në pranga kanë rënë 10 shqiptarë të moshës 19 deri në 32 vjeç, të cilët drejtonin fermat me kanabis në Elche të Spanjës.
Grupi ishte i organizuar në mënyrë perfekte aq sa kishte arritur të ngrite magazina të tërë për kultivimin e lëndëve narkotike në provincën e Alikantes.
Plantacionet ndodheshin brenda këtyre ndërtesave dhe kishin një sistem elektrik të sofistikuar të përbërë nga disa transformatorë si dhe sisteme drite që favorizonin rritjen e bimëve. Furnizimi me energji bëhej në mënyrë sistematike duke vendosur në rrezik të gjitha objektet si dhe duke u shkaktuar një dëm të madh ekonomik për fqinjët aty pranë.
Madje ata kishin përdorur pajisje të sofistikuar dhe aparatura të teknologjisë së fundit për të ngritur fermat e kanabisit dhe që favorizonte rritjen e tyre, shkruajnë mediat spanjolle.
Policia sekuestroi më shumë se 2000 rrënjë kanabis. Ndërkaq, të arrestuarit janë vënë para drejtësisë dhe tre prej tyre dërguar në burg.
