Vedat Muriqi ka bërë historinë në klubin e Mallorcës duke u bërë golashënuesi më i mirë i tij në La Liga, duke kaluar legjendën Samuel Eto’o. Ky rekord u arrit pas dy golave të shënuar ndaj Rayo Vallecano, duke e çuar totalin e tij në 55 gola për klubin, një më shumë se Eto’o.
Pas ndeshjes, Muriqi u nderua në muzeun e klubit, ku vendosi këpucët e tij si simbol të këtij momenti historik. Mallorca publikoi një video nga vizita e tij, duke theksuar rëndësinë e këtij momenti.
Përveç këtij suksesi, Muriqi po tregon formë të shkëlqyer edhe në garën për golashënuesin më të mirë të sezonit, me 21 gola deri tani, duke u afruar me liderin Kylian Mbappé dhe duke mbetur në garë për “Këpucën e Artë” në La Liga.
