Spanja u kualifikua në gjysmëfinale pas një ndeshjeje të bukur ndaj Belgjikës, që rezistoi deri në fund, por pësoi nga goli vendimtar i Mikel Merinos në minutat e fundit, për 2-1. Spanja dominoi në pjesën më të madhe të takimit, por krijoi rreth 90 minuta beteje deri në golin vendimtar.
Ndeshja nisi me kontrollin e topit nga Spanja dhe pasime horizontale. Shansi i parë i rëndësishëm erdhi në të 21’ kur Yamal goditi nga jashtë zonës, por një devijim e mohoi golin. Në të 30’ Ruiz shfrytëzoi një top të kthyer nga Courtois dhe shënoi për 1-0. Spanja mori vrullin; në të 35’ Yamal tentoi me një goditje dënimi që Courtois arriti ta priste me vështirësi. Në të 40’ Yamal kreu dy driblime spektakolare dhe goditi pranë shtyllës së parë, por topi preku rrjetën e jashtme.
Kur Spanja dukej nën kontroll, Belgjika barazoi në të 41’ me De Ketelaere, i asistuar nga Castagne, që shënoi me kokë. Pjesa e dytë vazhdoi me dominim të Spanjës dhe përpjekje të Belgjikës për kundërsulme, kryesisht përmes Doku ose me topa të gjatë për Lukakun. Në të 61’ dhe 62’ Yamal provoi dy herë, por Courtois bëri pritje të rëndësishme. Në minutën e 54’ Belgjika pati një goditje të fortë në zonë, por Vaneken nuk arriti të shënojë.
Në të 71’ Courtois u tërhoq për shkak të problemeve muskulore dhe u zëvendësua nga Lammens. Trajneri spanjoll De La Fuente bëri ndryshime duke aktivizuar Mikel Merinon në vend të Olmos për të kërkuar fitoren brenda 90 minutave. Frytet erdhën në të 88’ kur Mesfushori përfitoi nga një top i kthyer nga Lammens dhe tund rrjetën me një gjuajtje të fortë nga afër, 2-1 për Spanjën. Ndeshja u mbyll në 90+7’, me Spanjën që kalon në gjysmëfinale dhe do të përballet me Francën.
Rezultati: Spanjë-Belgjikë 2-1 (Ruiz 30’, Merino 88’ / De Ketelaere 41’). Formacionet zyrtare: Spanja (4-2-3-1) – Simon; Porro, Cubarsi, Laporte, Cucurrella; Rodri, Ruiz; Yamal, Olmo, Baena; Oyarzabal. Trajner: L. De La Fuente. Belgjika (4-2-3-1) – Courtois; De Cuyper, Mechele, Ngoy, Castagne; Raskin, Vaneken; Doku, De Bruyne, Trossard, De Ketelaere. Trajner: R. Garcia.
