SERBI- Përballja e mbrëmshme në “Arenën Kombëtare” na dhuroi një pikë nga barazimi. Përveç barazimit pa gola kjo ndeshje ka marrë komente pozitive pasi pritej që kjo përballje të ishte me rrezikshmëri dhe se do të regjistroheshin incidente.
Ndeshja nuk ka kaluar pa u komentuar nga legjenda serbe e tenisit, Novak Djokoviç. Përmes një story në Instagram, Djokoviç ka ndarë një foto ku duken momentet më të bukura të ndeshjes ku lojtarët e kombëtares tonë ndihmojnë kundërshtarët. Ai uroi të dy ekipet për sjelljen që treguan në përballje.
“Respekti dhe loja e ndershme është gjithmonë e mundur! Urime të përzemërta të dyja ekipeve për sjelljen”, shkruhej në postimin e tenistit.
Edhe trajneri i ekipit serb, Dragan Stojkoviç e cilësoi atmosferën në stadium si të mrekullueshme dhe se do kërkonte që e njëjta gjë të ndodhet dhe në Serbi.
