Kryeministri grek Micotakis ndodhet në Tiranë për samitin e BE-së me Ballkanin. Ai është pritur nga kryeministri Edi Rama.

Të dy janë shfaqur të buzëqeshur dhe me shtrëngim duarsh. I pyetur nga mediat, ai tha se kufirin detar e kanë çuar në Hagë.

“Çështja (e detit) është apeluar në gjykatën ndërkombëtare. Ne kemi bërë pjesën tonë, po ashtu edhe pjesa shqiptare”.

I pyetur nga gazetarët edhe për normalizimin e marrëdhënieve Kosovë-Serbi dhe për dialogun mes tyre, kryeministri grek theksoi se të dyja palët duhet të bëjnë një hap pas.

“Kemi inkurajuar dialogun midis Beogradit dhe Prishtinës që duhet të zhvillohet në mirëbesim.

E kuptojmë kompleksitetin e çështjes, por jemi të vetëdijshëm që kjo çështje të zgjidhet dhe të dyja palët duhet të bëjnë një hap pas.

Pa u zgjidhur kjo do jetë e vështirë të bëjmë progresin e nevojshëm”, u shpreh Mitsotakis.