Armaldo dhe Bledi janë përplasur gjatë ditës së sotme, fillimisht për shkak të Valbonës, e më pas kanë risjellë në vëmendje komentin e Maestros për “qëllimin” e Bledit në “BBV.”
Bledi i tha Armaldos të mos flasë si skuthat pas shpine, por nëse ka diçka për të thënë, t’ia thotë në sy. Ai e cilësoi komentin e tij, si poshtërsinë më të madhe në këtë Big Brother, pasi në gjykimin e tij, ajo këshillë nuk kishte vend.
Duke folur me ironi, Bledi i tha Armaldos se ai ndoshta është rritur në një ambient, ku shoku i ngacmon gruan shokut, por ai nuk e ka në karakter një gjë të tillë.
Që kur Bledi u bë pjesë e “BBV”, Maestro i tha Luizit se ai ka hyrë me qëllimin që ta sulmojë atë, në kuadrin e lojës, duke shtuar se do të përdorë pikën e tij të dobët, Kiarën. Kjo u rikthye në vëmendje sot nga Bledi, i cili iu drejtua me fjalë të ashpra Maestros.
Pjesë nga debati:
Bledi: Ti ke thënë poshtërsinë më të madhe në “BBV”. Kur unë isha në krevat, ti i the Luizit “kujdes gruan”, për Kiarën. Është më e ndyra, ti ndoshta je rritur në një ambient që ngacmoni gratë e shokëve, por unë nuk i bëj këto gjëra.
Armaldo: Nuk mund të më provokosh mua duke më thënë që jam mësuar në familjen time duke ngacmuar gratë e shokëve. Mati fjalët që nxjerr nga goja. Ti ke fryrë Bonën kundër meje dhe ke ndikuar tek ajo. I kam thënë “ruaj Kiarën se do e ngacmojë” ia kam thënë në kuptimin e lojës.
Bledi: Fantazia jote perverse funksiononte në mënyrën më të poshtër, kur unë lëngoja në krevat.
Maestro sqaroi edhe për banorët e tjerë, të cilët e kishin marrë në kuptimin negativ “këshillën” e tij për Luizin, se konotacioni i fjalisë së tij nuk ishte negativ dhe se ka qenë në kuadër të lojës.
