Lulzim Basha doli i fundit në zgjedhjet e pjesshme vendore, duke u mundur bindshëm nga kandidatët e koalicionit Shtëpia e Lirisë.
Bardh Spahia arritit të merrte Bashkinë e Shkodrës, e ndërsa anëtarët e Komisionit të Rithemelimit e dinin mbështetjen e demokratëve në një bastion të djathtë si kryeqendra e veriut.
Pak kohë më parë në një intervistë televizive, deputeti Belind Këlliçi shprehu bindjen se Shkodrën e kanë të marrë. “Shkodra është e fituar, jo do ta fitojmë”, tha Këlliçi.
Por Agron Kapllanaj, kreu i komanduar në PD e Fierit dhe një ushtar i Bashës u shpreh se nëse Shtëpia e Lirisë do fitojë Shkodrën ai do jepte dorëheqjen nga politika.
“Nëse ju do të fitoni Bashkinë Shkodër unë do të jap dorëheqjen nga politika. Nuk merrem më”, tha Kapllanaj.
“Të lutem Agron se të kam mik, mos e thuaj se është deklaratë e fortë”, tha Këlliçi më tej.
