Gazetari Blendi Fevziu i ftuar në emisionin “Të Paeksopzuarit” në MCN TV u shpreh se influenca e ndërkombëtarëve në politikën shqiptare është mbivlerësuar, pasi sipas tij ajo nuk është reale.
Ndërkohë mbështetjen e ambasadorëve ndaj kryetarit Basha, Fevziu e cilësoi si një investim të gabuar.
Nuk është e para ambasadore që ndërhyn në fushatë. Kujtojmë Donald Lu që përmendi 3 kandidatë që tha mos ti votoni. Në fund këta të 3 u zgjodhën kryetar bashkie. Influenca e ndërkombëtarëve në Shqipëri është e mbivlerësuar, por nuk është reale. Unë e konsideroj mbështetjen e ambasadorëve ndaj Bashës një investim i gabuar që nuk i ka sjellë asnjë avantazh dhe vetëm sa ka krijuar probleme të përbashkëta.
