Kroacia përfundoi e treta në Kupën e Botës në Katar dhe festoi medaljen e bronztë. Disa nga lojtarët e ekipit kombëtar të trajnerit Dalic (përfshirë mbrojtësin Dejan Lovren dhe mesfushorin e Interit Marcelo Brozovic) kanë kënduar këngë neo-naziste.
Bëhet fjalë për një këngë të Thompson, një grup kroat i udhëhequr nga këngëtari Marko Perkovic, ku përmendet motoja “Za Dom Spremni” (e përdorur nga bashkëpunëtorët e nazistëve gjatë Luftës së Dytë Botërore). Episodi dyshohet se ka ndodhur në Zagreb, në klubin që është në pronësi të lojtarit të zikaltërve.Video është bërë menjëherë virale dhe ka marrë shumë reagime.
