Një lajm i bujshëm ka mbërritur nga Spanja, ku trajneri Diego Pablo Simeone pritet të largohet nga Atletico Madrid në përfundim të sezonit. Sipas programit ‘El Chiringuito de Jugones’, Simeone ka arritur një marrëveshje paraprake me Interin për sezonin 2026-27. Megjithatë, ky informacion nuk ka gjetur konfirmim në median italiane, e cila sjell dy arsye kryesore për këtë dyshim.
E para është paga e lartë e Simeones, që arrin në 34 milionë euro bruto. E dyta është performanca e shkëlqyer e trajnerit aktual të Interit, Cristian Chivu. Me Chivun në pankinë, Interi është lider në klasifikimin e Serie A, me 10 pikë më shumë se rivalët e Milanit. Po ashtu, ekipi është në gjysmëfinale të Kupës së Italisë dhe shpreson të përmbysë humbjen ndaj Bodo/Glimt në ndeshjen e parë të playoff-it të Ligës së Kampioneve.
Këto faktorë, përveç pagës që kërkon Simeone, e bëjnë të vështirë një kalim të tillë, sidomos nëse Interi vazhdon të performojë mirë me trajnerin aktual.
