Pak orë na ndajnë nga derbi kryeqytetas ku sonte në orën 19:00 luhet derbi mes Tiranës dhe Partizanit.
Sfida e javës së 33-të në Superligës është e katërta mes tyre këtë sezon, me bardheblutë që kanë 19 muaj pa fitore kundër “Demave”.
Edhe për shkak se Tirana kërkon pikë me ngulm për në “Final 4”, zonën që të çon në ndeshjet shtesë në garën për titullin kampion, pikët janë më të domosdoshme se kurrë, nisur kjo nga fitorja e Skënderbeut dhe pika e marrë nga Dinamo.
Gara për vendin e katërt është në dorën e Tiranës që këtë mbrëmje do duhet të tregojë se e meriton një mundësi për të luftuar për titullin kampion në “Final 4”.
Tifozët e Tiranës, si gjithmonë janë organizuar për të shkuar të bashkuar drejt impiantit “Air Albania” ku luhet ndeshja.
