TIRANË- Kreu i Partisë Demokratike, Sali Berisha, ka publikuar të tjera pamje tronditëse nga farsa zgjedhore e 11 majit në qendrat e votimit. Duke folur në konferencë për shtyp Berisha theksoi se komisionerja dhe komisioneri kontrollon çdo votë.
“Tani këtu vazhdojmë. Ja, shiheni këtë vajzën, kriminele elektorale, komisionere në detyrë. Shikoni se çfarë bën, një nga një shkon dhe voton me zgjedhësit. Urdhëro! Pra, komisionerja kontrollon çdo votë. Edhe ky komisioner kontrollon çdo votë. Pra, votojnë komisionerët. Vazhdojnë kontrollin… voton për të. Tani fut edhe ndonjë tjetër vetë ky. Tani komisioneri. Dy fletë… Pra, këto ishin vetëm disa momente nga aktet kriminale të votimit në datën 11 Maj. Kurrë këto zgjedhje nuk përligjen dhe jam i bindur se shqiptarët do i japin Edi Ramës, si armiku më i egër i lirive të tyre, atë që meriton, sa më shpejt,” tha Berisha.
