Zbardhen detaje të reja nga ngjarja tragjike që ndodhi në Angli, ku një shqiptar i identifikuar si Mariglen Ruçi 24 vjeç vdiq nga asfiksia pas djegies së një shtëpie bari atje. Viktima është vëllai i mesfushorit të Bylisit, Flamur Ruçi.
“Familja jonë e madhe është pranë mesfushorit tonë Flamur Ruçi në këto momente të vështira! Fatkeqësia e tij është edhe e jona, prehu në paqe vëllai yt” shkruante dje FK Bylis.
Por si ndodhi?
Gjithçka raportohet nga mediat britanike se ka ndodhur në datë 12 Dhjetor. Fqinjët kanë treguar ngjarjet dhe flakët që pushtuan shtëpinë.
“Ishte rreth orës 1:30 të mëngjesit kur e fika dritën [për të shkuar në shtrat.] Pak para orës 2 të mëngjesit mora të gjitha këto drita ndezëse.
E tërhoqa perden mbrapa dhe hodha një vështrim dhe gjithçka që pashë ishte flakë të mëdha kudo nga shtëpia. Gjithçka që mund të shihja ishin flakë të kuqe. Ata po e luftonin, ishte një zjarr shumë i madh. Policia erdhi një orë më vonë” tha njëri nga prej tyre.
“Është tronditëse të ndodhë pak para Krishtlindjeve. Sot në mëngjes ishte një furgon i madh zjarrfikës dhe policia ka qenë këtu gjatë gjithë ditës. Makinat e zjarrfikësve ishin këtu brenda pak kohësh me policinë, kështu që gjithçka ishte e mbuluar.
Zjarri ishte i madh, vinte nga maja. E rrëzoi të gjithë çatinë. Është vërtet e çuditshme sepse ka qenë gjithmonë një zonë familjare” tha një tjetër. Një 44-vjeçar është arrestuar në lidhje me ngjarjen dhe ndodhet në paraburgimin e Policisë së Surrey.
