‘Nuk dua të dëgjoj ngushëllime”, këto janë fjalët e para të nënës liderit të opozitës ruse, Alexei Navalny , i cili vdiq këtë të premte në qeli.
Ajo deklaroi se për herë të fundit e takoi të birin me 12 shkurt, teksa nënvizon se ai ishte i shëndetshëm.
“E pamë më 12 shkurt… Ai ishte gjallë, i shëndetshëm dhe i lumtur”, tha ajo në një postim në Facebook. Postimi është postuar në faqen e saj nga gazeta ruse “Novaya Gazeta”.
Ajo bën përgjegjës për vdekjen e djalit të saj presidentin rus, Vladimir Putin. Po ashtu edhe bashkëshortja e tij, Iulia Navalgia kërkon drejtësi.
“Nëse është e vërtetë që Alexei ka vdekur, unë dua që Putin të dënohet”, tha ajo.
Ekonomistja ruse ka qenë në krah të bashkëshortit të saj që nga viti 1998 kur ajo u takua me të në një resort në Turqi. Ajo iu përkushtua familjes, duke mbështetur të shoqin në të gjitha nismat e tij politike.
