Turqia ka bërë një hap të rëndësishëm drejt fazës finale të Botërorit, duke triumfuar ndaj Rumanisë me rezultatin 1-0 në gjysmëfinalen e playoffit në rrugëtimin B të UEFA. Ndeshja, e drejtuar nga trajneri Vincenzo Montella, ishte e vështirë për skuadrën turke, e cila u përball me një mbrojtje të fortë nga ana e Rumanisë, drejtuar nga Mircea Lucescu.
Goli që zhbllokoi rezultatin erdhi në fillimin e pjesës së dytë, kur Arda Guler, me një pasim të gjatë, gjeti Ferdi Kardiouglun, i cili shënoi për Turqinë. Pas këtij momenti, të dyja skuadrat patën shanse për të shënuar, por asnjëra nuk arriti ta shfrytëzojë rastin. Me këtë rezultat, Turqia ka kaluar në raundin tjetër dhe tani e pret një tjetër sfidë për të siguruar vendin në fazën finale, përballë Sllovakisë ose Kosovës.
