Presidenti i SHBA-së, Donald Trump, mori një rol të rëndësishëm në ceremoninë e nënshkrimit të marrëveshjes së paqes në Lindjen e Mesme, e cila u mbajt në Egjipt, ku ishte i shoqëruar nga liderët e vendeve garantuese, Egjiptin, Turqinë dhe Katarin.
Në fjalën e tij para nënshkrimit, Trump e konsideroi këtë takim si një ngjarje të jashtëzakonshme, duke e cilësuar si “takimin më të madh të vendeve për sa i përket pasurisë dhe fuqisë që ka ndodhur ndonjëherë”. Ai shprehu optimizëm mbi rëndësinë historike të marrëveshjes, duke theksuar se ajo do të ndihmojë në parandalimin e një Luftë të Tretë Botërore në rajonin e Lindjes së Mesme.
Presidenti përmendi që konflikti në këtë rajon kishte zgjatur për rreth 3,000 vjet, dhe shprehu besimin se marrëveshja do të ketë një ndikim të gjatë. Ai theksoi se, ndonëse për të ishte një proces i vështirë, ndihma e liderëve të tjerë të pranishëm dhe grupit të tij të talentuar kishte qenë e rëndësishme për arritjen e këtij rezultati.
Ceremonia për nënshkrimin e marrëveshjes përfundoi me një notë optimiste nga presidenti, i cili shpreh rëndësinë e këtij momenti për botën.
