Trippier transferohet te Newcastle United

Pas shumë diskutimeve mes klubeve, Kieran Trippier më në fund është transferuar te Newcastle United.

Ka qenë klubi anglez që ka konfirmuar se ka transferuar reprezentuesin e Kombëtares së Anglisë nga Atletico Madrid.

31-vjeçari ka rënë dakord për një kontratë për dy vite e gjysmë dhe tanimë është prezantuar si lojtar i ri i Newcastles.

‘Laraskat’ kanë paguar 15 milionë euro te Atletico Madrid për të marrë shërbimet e mbrojtësit me përvojë.

Vet Trippier është shprehur i lumtur që ndodhet tani në St James park.

“Jam i lumtur që i bashkohem këtij klubi fantastik. Më pëlqeu vërtet koha ime në Madrid, por kur mësova për interesimin nga Newcastle United dhe pasi kisha punuar më parë me Eddie Howe, e dija se ky ishte vendi ku doja të transferohesha”.

“Jam i vetëdijshëm se ka shumë punë përpara nesh, por i njoh mirë kërkesat e Ligës Premier dhe e di se çfarë klubi i mrekullueshëm është ky me lojtarë shumë të talentuar. Mezi pres tv filloj dhe jam i emocionuar, për të dal në St. James Park si lojtar i Newcastles”, tha Trippier gjatë prezantimit.