Komisioni i Disiplinës shpalli vendimet për shkeljet e kësaj jave. U bë i ditur dënimi i liderit të Vllaznisë me 6 ndeshje pezullim, pasi goditi me grusht kapitenin e Egnatias, Albano Aleksin. Në vendimet e detajuara, lojtari i KF Vllaznia, Erdenis Gurishta, për sulm ndaj lojtarëve të ekipit kundërshtar, në bazë të nenit 14/1/h të Kodit të Disiplinës dhe Etikës (KDE), dënohet me 6 ndeshje pezullim nga aktiviteti.
KF Vllaznia u gjobit me 100.000 lekë për sjellje të gabuar të spektatorëve, duke hedhur sende në fushë dhe duke përdorur kore fyese ndaj lojtarëve kundërshtarë, në përputhje me nenet 17/2/b dhe 17/2/e të KDE. Dinamo DB U-13, Dinamo U-15 dhe Don Bosko Academy U-15 u dënuan për braktisje të ndeshjeve të vlefshme në Kategorinë e Dytë, Zona Rajonale Tiranë, kundër kundërshtarëve të përmendur; secila skuadër dënimi me gjobë 100.000 lekë dhe humbje ndeshjeje në tavolinë me rezultatin 3-0, sipas nenit 16/1 të KDE, ndërsa aplikimi i gjobës u përcaktohet në masën 3% sipas nenit 76/1/e të KDE.
Raste të tjera disiplinore përfshijnë lojtarin e KS Ali Demi U-13, Klejvi Roshi, i cili për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 4 ndeshje pezullim. Lojtari i Don Bosko Academy U-15, Olen Murati, për sjellje të dhunshme ndaj lojtarëve të ekipit kundërshtar, në bazë të nenit 14/1/h të KDE, dënohet me 3 ndeshje pezullim.
Komisioni rrëzoi kërkesën e KF Vllaznia Vajza për rishikimin e masës disiplinore, të përcaktuar në vendimin nr. 44 datë 08.05.2026, si të pabazuar në Kodin e Disiplinës dhe Etikës. Po ashtu u rrëzuan si të pabazuara kërkesa e AF Triumph për pretendimin mbi aktivizimin e lojtarëve pa të drejtë loje, si dhe kërkesat e lojtarëve të KF Butrinti, Nelson Joseph Pius dhe Franck Mounde Ekango.
