Një burrë 30-vjeçar nga Bullgaria dhe partnerja e tij 38-vjeçare u paraqitën sot në gjykatë në Qiro, nën dyshimin për neglizhencë lidhur me vdekjen e dy djemve të tyre, 8 dhe 10 vjeç, të cilët u gjetën të vdekur dje pasdite brenda automjetit të babait. Sipas mediave vendase, fëmijët kishin qëndruar brenda mjetit për orë të tëra, ndërsa rrethanat në të cilat u gjetën vazhdojnë të hetohen.
Për nxjerrjen e tyre nga makina u desh të thyheshin xhamat dhe pjesa e pasme e automjetit, i cili ishte parkuar në një fushë pranë pallatit ku jetonin babai dhe partnerja e tij. Një ekip mjekësor i ardhur në vendngjarje tentoi t’u jepte ndihmën e parë dy të miturve, por përpjekjet rezultuan të pasuksesshme. Policia po mbledh deklarata nga fqinjët dhe po shqyrton pamjet e kamerave të sigurisë për të saktësuar rrethanat.
Në trupat e dy fëmijëve u konstatuan djegie, por shkaqet e sakta të vdekjes do të përcaktohen nga autopsitë që do të kryhen. Hetimet fokusohen te rrethanat e qëndrimit të gjatë të fëmijëve brenda automjetit dhe veprimet e mëvonshme të të rriturve përgjegjës. Autoritetet po vazhdojnë verifikimet për të akomoduar çdo provë të mundshme dhe po mbledhin informacion nga burime të ndryshme për të ndërtuar një pasqyrë të plotë të ngjarjes.
Dy fëmijët kishin mbërritur në Qipro në mesin e majit për pushime me babanë e tyre dhe me njerkën, e cila jeton dhe punon atje. Nga ana e prokurorisë është njoftuar se procedurat ligjore vazhdojnë, ndërsa hetimet kriminalistike dhe mjeko-ligjore pritet të japin më shumë të dhëna rreth shkakut të vdekjes dhe përgjegjësisë penale eventuale të të dy të pandehurve. Top Channel.
