Babai i Lamine Yamal, Mounir Nasraoui, thuhet se është dërguar në spital pasi është goditur me thikë në një park makinash në Katalonjë.
La Vanguardia raporton se Nasraoui është në një gjendje “serioze” pas incidentit që ndodhi të mërkurën në mbrëmje në Mataro.
Sidoqoftë, Relevo ka një përditësim më shpresëdhënës dhe raporton se babai i Yamal është “jashtë rrezikut” tashmë dhe është liruar nga spitali.
Detaje të tjera janë të pakta për momentin, por policia tashmë është përfshirë dhe thuhet se ka disa dëshmitarë okularë që kanë parë atë që ka ndodhur.
Raporti shton se motivet e sulmit janë ende të paqarta, por ekziston një sugjerim se “mund të ketë qenë rezultat i një konflikti të mëparshëm”.
Yamal është rikthyer te Barcelona pas një sezoni të suksesshëm në Euro 2024 me Spanjën dhe bëri paraqitjen e tij të parë parasezonale në Gamper Trophy si zëvendësues.
