Një tragjedi e rëndë ka ndodhur pranë brigjeve të Salakta-s në Tunizi, ku 40 emigrantë kanë humbur jetën pas përmbysjes së varkës së tyre. Mes viktimave janë raportuar edhe foshnja, sipas burimeve lokale.
Informacioni është bërë i ditur nga radioja tuniziane “Mosaique FM”, duke cituar zëdhënësin e gjykatës së Mahdias, Walid Chatrbi. Forcat e rojës bregdetare kanë arritur të shpëtojnë 30 persona nga e njëjta varkë. Autoritetet kanë nisur një hetim zyrtar për të zbardhur rrethanat e ngjarjes, por mbetet e paqartë se nga cila pikë janë nisur emigrantët dhe cili ishte destinacioni i tyre përfundimtar.
Ky incident i tragjedishëm vjen në një kohë kur fluksin e emigrantëve drejt Evropës është rritur ndjeshëm, duke rritur numrin e përpjekjeve të rrezikshme për kalim me varka të improvizuara nga brigjet e Afrikës së Veriut.
