Gjashtëmbëdhjetë anëtarë të një bande droge rrezikojnë të dënohen deri në pesë vjet burg secili në Belgjikë.
Sipas gjykatës, ata kanë shitur të paktën 985 kilogramë kokainë, me vlerë 29 milionë euro.
Figura kyçe është një 29-vjeçar shqiptar me banim në Ostend. Në gjyq janë edhe prindërit dhe dy vëllezërit e tij.
“Ata dukeshin si një familje e rregullt në Ostend”, tha prokurori.
Rasti është një degë e Operacionit Sky, në të cilin më shumë se një miliard mesazhe të koduara nga grupet kriminale u deshifruan disa vite më parë.
Në bazë të këtyre informacioneve, Prokuroria Publike e Bruges ka identifikuar 29-vjeçarin shqiptar A.B.
Ai mësohet se është figura qendrore e një bande që trafikoi të paktën 958 kilogramë kokainë, me një vlerë totale afro 29 milionë euro, shkruan Albeu.com.
Duke qenë se bisedat e përgjuara tregonin se ishte i pashmangshëm një situatë rrëmbimi apo pengmarrjeje, gjykata vendosi të ndërhynte më 14 shkurt 2023.
A.B deklaroi se transportonte deri në 200 kilogramë kokainë në të njëjtën kohë për një klient të panjohur.
Ai gjithashtu shkonte rregullisht në Antwerp, ku banda vepronte nga katër prona me qira. Gjatë kontrollit në shtëpi u gjetën armë zjarri gati për qitje. Por ndërhyrja e hershme pengoi identifikimin e drejtuesve të bandës.
A.B, 31 vjeç dhe F.B 23 vjeç, vëllai i A. B, gjithashtu dukej se ishte i përfshirë në tregti. Si dhe prindërit e tyre G. B, 57 vjeç dhe F. B 52 vjeç.
Në krevatin e këtij të fundit, policia gjeti hiç më pak se 56 mijë euro cash.
“Në Ostend dukej si një familje e mirë”, shpjegoi prokurori Yves Segaert-Vanden Bussche.
“Mamaja ka dhënë gjithashtu kurse integrimi. Hetimi zbuloi se prindërit ndihmuan në pastrimin e fitimeve të drogës duke rinovuar dhe rishitur shtëpitë.”
