Ish-efektivja e Policisë së Burgjeve, Denisa Halilaj ka mohuar se ka lidhje me grupin e trafikut të armëve të zjarrit, me të cilin u kap në Rinas gjatë orëve të para të mëngjesit. Në rrëfimin e saj para hetuesëve të Tiranës, Halilaj u shpreh se as nuk e dinte që kishte ardhur në kryeqytet për të shitur armë zjarri. Sipas “ReportTV”, 22-vjeçares, 4 djemtë e tjerë i kishin kërkuar që t’i shoqëronte por nuk i kishin dhënë se çfarë do të transportonin.
“Më thanë që do shkonim në Tiranë, më thirrën edhe mua që të shoqëroja disa persona, por nuk jo se do shiteshin armë. As nuk e dija që në mjetin e dytë kishte armë zjarri,“-u shpreh Halilaj në fjalën e saj.
Ndër të tjera, në deklarimet e 22-vjeçares ka pohuar lidhjen me automjetin tjetër dhe se përgjatë gjithë itinerarit ka kryer rolin e vëzhgueses dhe hapjes së rrugës, me qëllim që të mos kishin asnjë problem derisa të vinin në Tiranë. Por nuk thekson se përse nuk i ka pyetur kurrë të tjerët se për çfarë do të vinin nga Malësia e Madhe në Tiranë. Teksa Halilaj ka dhënë versionin e saj, 4 të tjerët e arrestuar, Denis Hasaj, Marjan Hasaj, Redi Nika dhe Sabian Hasaj kanë zgjedhur që të heshtin. Asnjë prej tyre nuk ka dhënë asnjë detaj për shitjen e armëve të zjarrit, aq më pak emrat e personave ku do të shiteshin në Tiranë. Të 9 armët, të cilat ishin fshehur në një valixhe, rezultojnë të jenë të ’97-ës, por janë ende aktive. Megjithatë përveçse ku do t’i shisnin, asnjë prej tyre nuk ka treguar as ku i kanë marrë.
Ndërkohë që Grupi hetimor pritet të analizojë në mënyrë të detajuar 5 aparatet e tyre celular për të zbardhur prova të tjera apo ndonjë mesazh që mund të zbulojë më shumë për “magazinuesit’ apo dhe blerësit e këtyre armëve zjarrit, që mund të ishin porositur për ndonjë ngjarje kriminale
