Ceremonia e Topit të Artë do të zhvillohet më 22 shtator, ndërsa emrat e 30 finalistëve dhe finalisteve për kategoritë kryesore të djemve dhe vajzave do të bëhen publikë më 8 shtator, kanë njoftuar France Football dhe UEFA. Për herë të parë ceremonia do të mbahet në Londër dhe do të jetë një homazh për fituesin e parë të Topit të Artë, Stanley Mattheës në 1956.
Në të njëjtën datë, 8 shtator, do të shpallen edhe finalistët për kategori të tjera: 10 futbollistët e rinj më premtues dhe 5 futbollistet e reja më të talentuara; 10 portierët dhe 5 portieret më të mira të vitit; 5 trajnerët më të mirë në futbollin e djemve dhe të vajzave; 10 finalistët për çmimin “talenti i vitit”; 5 sulmueset më të mira dhe 5 klubet më të mira në botë për secilën prej kategorive, si për djem ashtu edhe për vajza. Lista e plotë e finalistëve do të jetë referenca për votimin zyrtar.
Votimi do të realizohet nga një juri ndërkombëtare e përbërë nga gazetarë të specializuar, të emëruar nga mediat përkatëse. Paneli do të përfshijë një gazetar për çdo një nga 100 vendet e para në renditjen e FIFA-s për futbollin e djemve dhe një gazetar për çdo një nga 50 vendet më të mira në renditjen për futbollin e vajzave. Pasi të publikohen emrat e finalistëve, çdo gazetar do të japë votën e tij duke u bazuar në tre kategori vlerësimi: rendimenti individual dhe vendimtar, arritjet kolektive dhe trofetë e fituar, si dhe klasi dhe fair play brenda dhe jashtë fushës së lojës.
Bazuar në këto kritere, çdo gazetë zgjedh dhe rendit 10 futbollistët e preferuar nga lista e finalistëve, duke dhënë 15 pikë për vendin e parë, dhe vazhdimisht deri te 1 pikë për vendin e dhjetë. Kjo procedure do të përcaktojë fituesit për secilën prej kategorive të shpërndara në ceremoninë e 22 shtatorit.
