TIRANË– Një video virale po qarkullon në rrjet ku duket një tifoz shqiptar puth një gazetar serb. Tifozi iu afrua gazetarit serb të Al Jazeera Balkans, Milan Boskoviç dhe e puthi në faqe. Gazetari ishte në transmetim live kur u habit nga ky gjest dhe buzëqeshi më pas.
Ky moment është komentuar gjerësisht në rrjetet sociale, ku shumë shqiptarë e kanë vlerësuar si një gjest të qytetarisë, sportivitetit dhe diferencimit nga narrativat e vjetra të urrejtjes dhe ndarjes. Edhe vetë gazetari e ka ndarë si video në Instagram më shkrimi: E vetmja gjë që mungoi ishin golat.
