Kryetari i PD, Sali Berisha ka vizituar një familje në Durrës, shtëpia e të cilit është dëmtuar nga tërmeti i nëntorit të 2019, dhe ende e sot nuk kanë marrë dëmshpërblim nga bashkia, pavarësisht se gjyqin e kanë fituar.
Gjatë bashkëbisedimit me krye demokratin, kryefamiljari është ankuar se nuk e dëmshpërblejnë, ndërsa tregon kushtet në të cilat është I detyruar të qëndrojë së bashku me familjen.
“I kam hedhur në gjyq, kam fituar edhe gjyqin, dhe nuk më dëmshpërblen Bashkia e Durrësit. I gjithë uji që bie jashtë, futet brenda. Këtu flemë si familje. Ngaqë jam demokrat s’ma kanë bërë shtëpinë’, u shpreh kryefamiljari në Durrës, teksa i tregonte gjendjen e banesës kreut të PD.
Një tjetër qytetar në Durrës ka treguar se si paratë e dëmshpërblimit për fatkeqësinë e tërmetit, u janë shpërndarë personale të lidhur me socialistët, ndërsa ata nuk kanë përfituar asgjë, për shkak se janë demokratë.
“Kam shkuar edhe unë te bashkia e sa kemi thënë që jemi demokrat, edhe unë jam me qira e më kanë thënë s’je demokrat e s’ta japim, ndryshe ta prishim. Ndërsa këtij ka vila këtu, kanë marrë para 20-30 mln lekë për tërmetin e këtij i kanë thënë që lekët t’i kanë marrë të tjerët. Ngaqë është i varfër”, theksoi qytetari.
Ndër të tjera ai tregon se si I ka dhënë 200 mijë lekë ëtë vetra inspektori për të përfituar dëmshpërblimin.
‘Kam dhënë lekë unë 200 mijë lekë, ia kam dhënë inspektorit. Të tjerët kanë nga 5-6 vila dhe lekët i marrin këtë që janë në pushtet dhe jo fukarenjtë”, u shpreh ndër të tjera qytetari.
