Serbët mëngjesin e sotën kanë vendosur një tjetër barrikadë në veri të Kosovës, në fshatin Jegenicë të Zubin Potokut.
Sipas mediave vendase mësohet se për vendosjen e barrikadës janë njoftuarnga banorët e fshatit Çabër.
Prej disa orësh në veri janë dëgjuar edhe disa shpërthime, të cilat kanë rezultuar të jenë fishekzjarre,. Zëdhënësi i Policisë së Kosovës, Baki Kelani ka thënë se situata është e qetë, por e brishtë për shkak të zhvillimeve të fundit në atë pjesë.
Qeveria e Serbisë miratoi të enjten kërkesën, e cila do t’i dërgohet misionit të NATO-s në Kosovë, KFOR, për lejimin e dislokimit të trupave ushtarake dhe policore serbe në Kosovë.
Ky vendim është marrë pas mbledhjes që ka mbajtur Qeveria e Serbisë, në të cilën ka marrë pjesë presidenti serb, Aleksandar Vuçiç. Vuçiç tha se ajo do t’i dorëzohet komandantit të KFOR-it të premten në pikën kufitare ndërmjet Serbisë dhe Kosovës.
