Të paktën 11 persona humbën jetën dhe nëntë të tjerë u plagosën në një aksident trafiku më herët sot në provincën Shirak të Armenisë veriperëndimore.
Aksidenti ka ndodhur në orët e para të mëngjesit pranë autostradës që lidh qytetin e Gyumrit me kryeqytetin Jerevan, kur një furgon tip minibus me pasagjerë është përplasur me një kamion.
Sipas policisë, drejtuesi i kamionit ka humbur kontrollin e mjetit të tij, duke e bërë atë të futet në qarkullimin përballë, ku është përplasur kokë më kokë me mjetin që transportonte pasagjerë.
Pesë nga nëntë të plagosurit janë në gjendje kritike, sipas raporteve të mediave gjeorgjiane.
