Në një samit të fundit në Alaska, Presidenti i Shteteve të Bashkuara, Donald Trump, dhe Presidenti rus, Vladimir Putin, deklaruan se kishin bërë “përparime të mëdha” në bisedimet e tyre, por nuk arritën një marrëveshje përfundimtare mbi luftën në Ukrainë. Trump theksoi se “nuk ka marrëveshje deri sa të ketë marrëveshje” dhe planifikon të bëjë thirrje për koordinim me NATO-n dhe Kievin pas këtij takimi.
Takimi mes dy liderëve zgjati rreth 10 minuta, ku ata shfaqën optimizëm mbi ecurinë e negociatave, megjithatë, nuk arritën një marrëveshje të qëndrueshme. Putin. nga ana e tij, shprehu interes për të përfunduar konfliktin, duke e cilësuar atë si një “tragjedi” të domosdoshme për t’u zgjidhur, por theksoi se Rusia duhet të adresojë “shkaqet kryesore” të ngërçit, duke paralajmëruar se Ukraina dhe Europa nuk duhen të “sabotojnë” dialogun.
Të dy liderët e diskutuan ndikimin e ngjarjeve politike të fundit, përfshirë pretendimin e Trump-it se lufta nuk do të kishte filluar nëse ai do të kishte mbetur në detyrë pas zgjedhjeve të vitit 2020. Megjithatë, Trump pranoi se ende ka disa pika mosmarrëveshjeje, duke përmendur se pavarësisht përparimeve, “disa pak” çështje mbeten të hapura, njëra prej të cilave është e rëndësishme, por ai nuk e specifikoi.
Pas këtij takimi, Trump njoftoi se do të kontaktojë Presidentin ukrainas, Volodymyr Zelensky, si dhe liderët evropianë për t’i diskutuar zhvillimet e mëtejshme dhe e theksoi se është “në fund të fundit në dorën e tyre.” Ai shprehu mundësinë për një takim të ri me Putin në të ardhmen, ndërsa presidenti rus e sugjeroi që kjo “herë tjetër” të ndodhte në Moskë.
Ky samit nxorri në pah tensionet e vazhdueshme rreth konfliktit ukrainas dhe nevojën për një dialog të vazhdueshëm mes dy vendeve.
